Visitas escolares

A Bbtk Infantil e a Biblioteca Xuvenil da Deputación da Coruña ofrecen visitas guiadas a grupos escolares de idades comprendidas entre os 2 e os 17 anos.

Con estas visitas preténdese que os nenos e nenas coñezan como é unha biblioteca e as posibilidades que lles ofrece.

No caso da Bbtk Infantil (hasta os 9 anos), trátase dunha actividade interactiva na que os nenos e nenas están en todo momento en contacto cos libros: móstranselles diferentes tipos de materiais, resolven dúbidas… Ao final da visita permíteselles aos nenos moverse libremente pola biblioteca escollendo por si mesmos os libros que desexen. A visita terá unha duración de tres cuartos de hora.

No tocante á Biblioteca Xuvenil (de 9 a 17 anos), o alumnado fará un percorrido polas distintas seccións da biblioteca e descubrirán os fondos especiais, raros e curiosos de acceso restrinxido. A visita concluirá na sección Xuvenil. A duración da visita será de hora e media.

Así mesmo, tamén se ofrecen visitas guiadas para alumnado de ciclos superiores ou universitarios con estudos relacionados coa infancia e/ou os libros.

Se está interesado en participar nesta actividade pode solicitalo enviando un correo electrónico ao seguinte enderezo: biblioteca.bebeteca@dacoruna.gal (se quere visitar a Bbtk Infantil), ou biblioteca.infantilxuvenil@dacoruna.gal (se quere visitar a sección Xuvenil), indicando o número de grupos, a súa idade, a/s data/s nas que estarían interesados e un teléfono de contacto.

Tamén pode solicitar a visita se chama ao número de telefono: 981 080 174 (para a Bbtk Infantil) ou 981 080 171 (para a sección Xuvenil)