Follas novas de Rosalía de Castro: novo libro de lectura no EbibliodaCorunaClub

Publicado el

A seguinte lectura do EbibliodaCorunaClub para este 2021 é a obra   « Follas novas» de Rosalía de Castro, na Club  «Arredor dos Libros»

Sinopse: «Despois de Cantares gallegos (1863) e o remuíño que esta obra supuxo, Rosalía de Castro dá un paso decisivo no proceso de emerxencia do campo literario galego con Follas novas (1880). O seu lirismo intrasubxectivo e radical, lonxe do romanticismo convencional, a nova flexión realizada da alegoría nacional de Galicia e a renovada concepción estética e autónoma do feito literario acaban por selar o vigor da literatura en galego e testemuñan a apertura de horizontes do proxecto que Rosalía de Castro lideraba. Todo fai que Follas novas sexa considerada unha das grandes referencias da poesía galega de todos os tempos.»

Anxo Angueira, profesor da Universidade de Vigo, escritor e ensaísta, ademais dos seus estudos sobre Méndez Ferrín (A espiral no espello. Bretaña, Esmeraldina e o sistema literario galego), vén centrando as súas investigacións no Rexurdimento (Rosalía de Castro, Curros Enríquez e Fernández Morales) e nas súas orixes (o Padre Sarmiento). Esta edición crítica de Follas novas ofrece, ademais dun longo estudo introdutorio, un detallado repertorio de notas sobre os textos e pormenorizados comentarios de cada un dos poemas.

Imaxe de cuberta: retrato de Modesto Brocos, Fundación Rosalía de Castro.

 

Desde o propio club de lectura dixital  podes tomar en préstamo o libro  e comentar, citar, chatear co resto de participantes… guiado por unha profesional con moitos anos de experiencia.

Se es usuario/a da EbibliodaCoruna, identifícate AQUÍ co teu usuario e contrasinal (se non, date de alta AQUÍ).

Accede libremente desde calquera lugar a calquera hora.

Máis información sobre o funcionamento do club AQUÍ.

Deja un comentario

Tu dirección de correo electrónico no será publicada. Los campos obligatorios están marcados con *