#140enpositivo

Publicado el

A Biblioteca Provincial da Deputación da Coruña convoca  a oitava edición do concurso “Palabras de amor: #140enpositivo”

 

 

  1. Obxecto

O concurso ten por obxectivo descubrir o talento literario, espertar a imaxinación dos lectores e lectoras,  animar a compartir as súas creacións,  animar á lectura e dinamizar a Biblioteca.

  1. Participantes

Poderán participar todas as persoas físicas, a partir de 8 anos. Quedan excluídas todas as persoas con calquera tipo de relación de servizo coa Deputación da Coruña.

  1. Formato

A  máxima do concurso é o pensamento positivo, así que os participantes teñen que crear unha mensaxe motivadora, de ánimo, entusiasmo, alegría ou apoio: unha mensaxe en positivo.

As mensaxes terán unha extensión entre 140 e 280 caracteres, os espazos contan.

Poden ser escritas en ordenador ou manuscritas.

As mensaxes poden ser escritas en galego ou castelán.

Cada participante poderá entregar ou enviar  como máximo 3 mensaxes ou composicións.

As mensaxes deben ser inéditas ou non serán candidatables para os premios.

  1. Forma de presentación

Os traballos poden presentarse do seguinte xeito:

  • Enviando un correo electrónico (biblioteca.info@dacoruna.gal) co asunto #140enpositivo e especificando a mensaxe e os datos persoais da autoría (nome, apelidos e número de teléfono).
  • A través do noso Facebook com/bibliodicoruna deixando un comentario na entrada do concurso.
  • No Twitter (bibliodacoruna), utilizando o cancelo #140enpositivo.
  • No Instagram (@bibliodicoruna), utilizando o cancelo #140enpositivo.
  • Deixando a mensaxe nun comentario á entrada da páxina web na que está publicada o concurso.
  • Deixando as mensaxes na Sección Infantil e Xuvenil da Biblioteca ou no Servizo de Información.
  1. Prazo de presentación

O prazo no que se pode participar no concurso é do 1 ao 30 de abril do 2019.

  1. Premios

Os premios sepáranse en dúas categorías:

  • Categoría 1: Máis de 15 anos: no que se seleccionarán tres premiados ou premiadas.
  • Categoría 2:Entre 8 e 14 anos: no que seleccionarán tres  premiados ou premiadas.

De entre todos os traballos presentados seleccionaremos, polo tanto, 6 gañadores ou gañadoras.

O premios consisten en:

  • dúas tabletas para os primeiros premios de cada categoría.
  • un lote de libros, música e películas para  os segundos premios de cada categoría.
  • un lote de produtos promocionais da biblioteca para os terceiros premios de cada categoría.
  • haberá un pequeno agasallo da Biblioteca provincial para todos os participantes.
  1. Sétima. Entrega do premio

Os premiados anunciaranse o 8 de maio, na páxina web da Biblioteca e nas redes sociais polas que se pode participar: Facebook, Twitter e Instagram.

A entrega de premios realizarase na Biblioteca da Deputación  da Coruña o día 16 de maio, véspera da conmemoración do Día das Letras Galegas.

  1. Dereitos e deberes

Os traballos presentados e os seus autores expoñeranse na Biblioteca  e difundiranse nas redes sociais propias da Biblioteca e tamén nas da Deputación da Coruña, polo que a participación no concurso supón a aceptación da mencionada difusión.

Quedarán excluídas da participación todas aquelas mensaxes de contido incompleto, inapropiado ou que non se axusten ao obxecto e ás bases do concurso.

A participación neste concurso supón a aceptación completa destas bases, así como a aceptación da decisión do xurado, que será inapelable.

As bases quedarán expostas no taboleiro de anuncios da Biblioteca, na páxina web e nas redes sociais da Biblioteca.

 

 

Bases VIII concurso 140enpositivo. Biblioteca Provincial da Deputación da Coruña

Deja un comentario

Tu dirección de correo electrónico no será publicada. Los campos obligatorios están marcados con *